तिला फक्त जळायचं असतं

बलात्कार म्हणजे

तिला काय माहीत

तिला फक्त जळायचं असतं

निषेध करुन वितळायचं असतं

असा किती आक्रोश झाला

आणि कितीदा निषेध केला

लाख जळाल्या असतील मेणबत्त्या

खरंच का कोणाला न्याय मिळाला?

अत्याचाराचा घाव करूनही देह जाळला जातो

न्यायासाठी उगाच त्या मेणबत्तीवर अन्याय होतो

नकळत अशा कितीतरी मेणबत्त्या 

रोज जळत असतात

वासनेच्या अग्नीत वितळत असतात

त्या न्याय कक्षेत डोळ्यावर पट्टी बांधून

उभी केलेल्या मुर्तीलाही

न्याय अन्यायाचा तराजू आता तिला पेलवत नाही

फक्त निषेधाची मेणबत्ती पेटवून 

दिलेली श्रद्धांजली

तिलाही सहन होत नाही