Library
Profile
तिला मात्र याची खबरही नसायची
तिला मात्र याची खबरही नसायची
तिची येण्याची तीच वेळ होती
त्या अगोदर तो दहा मिनिट
त्या चौकात थांबायचा
ती यायची आपल्या विचारात
अन जायची आपल्याच विचारात
तो तिला पहात राहायचा
तिला मात्र याची खबरही नसायची
ती त्याला भेटायची
खुप खुप बोलायची
हसायची खिदळायची
त्याची गंमत करायची
पण हे सार घडायचे
स्वप्नात त्याच्या!
तिला मात्र याची खबरही नसायची
त्या दिवशी ती दिसली नाही
तो अस्वस्थ झाला
मग बरेच दिवस ती दिसलीच नाही
तो मात्र नियमित चौकात यायचा उभे राहायचा
तिची वाट पहायचा
तिला याची खबरही नसायची
एका दिवशी ती त्याला दिसली
काहीशी अशक्त झालेली
चेहरा पडलेला
चालण्यात शिथिलता
तिला तशा अवस्थेत पाहुन तोही थकला
p>
त्याचेही डोळे पानावले
तिला मात्र याची खबरही नव्हती
त्या दिवशी नेहमी सारखच घडल सार
तो उभा चौकात
ती आली अन हळुहळु चालत पुढे गेली
पुढे गेल्यावर ती थांबली
अन तिने मागे वळून पाहील
तो तिथेच होता
तिला पाठमोरी पहात उभा राहीलेला
तिने त्याला नजरेन बोलविले
तो संमोहीत होऊन तिच्याकडे गेला
तिने त्याच्या डोळ्यात पाहुन म्हटलं
मला घरापर्यन्त सोडशिल?
थोडस गरगरल्या सारख वाटतय"
त्याने रीक्षा थांबवून तिला बसविले
तिच्या शेजारी तोही बसला
विश्वासाने ती मागे मान टाकुन रेलली
तिचा सहवास त्याला सुंगधीत करुन गेला
मोगरा फुलला होता
स्वप्नातून सत्यात तो शिरला होता
तिला मात्र याची खबरही नव्हती
