तेव्हा तुला मी miss करतो

फोर्टचा परिसर

ऑफिसहून परतताना

एकटाच असतो जेव्हा

आभाळ भरून येतं

गार वारा सुटतो

अन् मुसळधार पाऊस कोसळायला लागतो

मी आडोशाला थांबतो

अन् उजेडात दिसणारे पाऊसथेंब न्याहळतो

तेव्हा ...!

तेव्हा तुला मी miss करतो

संध्याकाळी वाटणारी हुरहुर

गार सुटलेली झोंबणारी हवा

मरीन ड्राइव्हचा गोलांकित किनारा

सभोवताली विखुरलेले लोक

काही एकमेकांत गुंतलेले

काही मोकळ्या हवेत सुटलेले

मी एकटाच उभा

हातातले शेंगदाणे तोंडात टाकतो

अन् दूरवर समुद्र न्याहाळतो

तेव्हा...!

तेव्हा तुला मी miss करतो

लोकलची विंडो सीट

कानात हेडफोन

त्यावर वाजणारं अरिजितचं गाणं

...ये दिल ठहर जा जरा

फिर महोब्बत करने चला है तू!

गाडी वाशी खाडीपुलावरुन धडधडते

अन् मी खिडकीतून दूरवर उभ्या होडीला न्याहाळतो

तेव्हा....!

तेव्हा तुला मी miss करतो

रुपेरी पडद्यावर

सिनेमा संपताना

प्रेम राग द्वेष प्रेम

याचं मिश्रण पाहताना

मी ही जातो हरवून

ओल्या डोळ्याने ती म्हणते

आता ही आपली शेवटची भेट

तेव्हा मलाही अस्पष्ट दिसायला लागतं सभोवतालचं जग

मी बाजुच्या रिकाम्या खुर्चीला न्याहाळतो

तेव्हा...!

तेव्हा तुला मी miss करतो