तिच्या स्वप्नांचे गाठोडे..

बांधून ठेवलेले तिच्या स्वप्नांचे गाठोडे

रोजच उघडून पहाते ती 

स्वप्न जे सत्यात उतरवू शकले नाही

ते आयुष्य रोज स्वप्नातच जगत असते ती.

पाहून गाठोडे रोजच अश्रू गाळते ती

पुन्हा बांधून ठेवून देत गाठोडे

आपल्या रोजच्या कामाला लागते ती

मन रोजच जात असते तिचे भूतकाळात

त्या गमावलेल्या संधी परत मिळणार नाहीत

म्हणून रोजच झुरत असते ती.

आणि ती एक प्रत्येक घरात असते

आपल्या माणसांनी, आपल्या लेकरांनी

पुढे जावं म्हणून तिच्या स्वप्नांना सोडून देत असते ती..