तडफड का असते

प्रेमात हृदयाची सतत 

तडफड का असते 

मनाची सतत अशी 

पडझड का असते || 0 ||

शांती मिळत नाही मनाला 

सतत एक दबाव असतो 

मिळण्यापेक्षा गमावण्याच्या 

जास्त तीव्र प्रभाव असतो 

आयुष्यात अशी सर्वांच्या 

गडबड का असते 

मनाची सतत अशी 

पडझड का असते || 1 ||

सतत बेचैन राहणं आणि 

चित्त नसते थाऱ्यावर 

जसं सोडून दिलंय कोणी 

आपणास वाऱ्यावर 

हृदयात सतत जीवघेणी 

धडधड का असते 

मनाची सतत अशी 

पडझड का असते || 2 ||

सतत तिचा विचार छळतो 

सतत विरहकल्पना 

काय करावं कळत नाही 

ठरती खोट्या वल्गना 

मरणाऱ्या पक्षासारखी 

फडफड का असते 

मनाची सतत अशी 

पडझड का असते || 3 ||