तडजोड...!

पाठीवरच्या फाटक्या नशिबाला

मी कधीच दोष देत नाही

परिस्थितीला दूषण देऊन

मी कधीच जीवन जगत नाही

आभाळ फाटले जरी

मी हार कधीच मानत नाही

प्राक्तनाला दोन हात करणे

मी कधीच सोडत नाही

तडजोड जीवनाशी करणे

मी माझे भाग्य कधी समजत नाही

ध्येय सिद्धीच्या यज्ञात आहुती श्रमाची

टाकण्या वाचून मी कधीच राहत नाही

कितीही संकटे आली जीवनी

मी माझा मार्ग बदलणार नाही

उत्तुंग उज्वल यशाचे शिखर

गाठल्याविना मी गप्प बसणार नाही

हीच प्रार्थना ज्ञान देवते

तुझ्या चरणी करतो आहे

दे विद्या दान मजला शारदे

हेच मागणे तुझ्या कडे करतो आहे