स्वर्गपरी

जीव माझा तुझ्यात सारा

तू मला जीवाहून प्यारी,

रंभा, अप्सरा, मेनका, उर्वशी तू

तू माझी ग स्वर्गपरी.

शब्दात काय वर्णवू मी

तुझ्या रूपाचं या वर्णन,

तुझ्या रूपाचं पडलंय ग हे,

साऱ्या धरतीवर चांदणं.

पाहून झालोय वेडा ग मी

तुझ्या या देखण्या रुपाला,

दिनरात झुरतोया मी ग

झोप येईना डोळ्याला.

काय सांगू तुझ्याविना माझं

लईच होतंय ग हाल,

रोजच येतेस स्वप्नात राणी

वेड तुझं ग मला लागलं.

वाटे घ्यावं तुला मिठीत

तुझ्या ओठाचं घ्यावं चुंबन,

तुझं माझं व्हावं मिलन

यावा सोन्याचा तो दिन.

दिलं देवानं तुला ग देणं

रंग गोरा गोरा पान,

तु तर एक नंबरी सोनं

रुपाची खरी तू ग खान.

ओठ गुलाबी,गोरे गाल

काया नाजूक, सुंदर,

नजर तिरकी,चाल मोरणी

केस उडती भुरभुर,लवलवती कंबर.

तुझ्या वर फिदा दुनिया सारी

स्वर्गपरी तू अवतरली भूवरी,

भ्रमर गुंजन करी फुलावरी

तशी माझी ग प्रीत तुजवरी.