स्वप्न

स्वप्न जरूर पहावे

नसे कुणाचे बंधन

असंख्य येती वादळे 

घे स्वप्नपूर्तीचे वचन 

स्वप्नपूर्तीच्या ओघात 

भान ठेव स्वतःकडे 

मुर्ख म्हणती हे जग 

विचार ठेव‌ स्वप्नांच्या पलीकडे 

अशक्यप्राय स्वप्नांसाठी 

शरीर जरूर थकावं

मनाला खचू न देता 

परत धैर्याने उठावं 

अपुऱ्या स्वप्नांसाठी 

कधी नाराज न व्हावं 

उराशी नवीन स्वप्न बाळगून

विश्वासाने तयार व्हावं

स्वप्नांना आनंदाने सजवावं 

निराशेला बाजूला सारावं 

नव्या स्वप्नांच्या पूर्णतेसाठी 

शांत मनाने जगावं