सुंदर सकाळ
सुंदर सकाळ
सकाळच्या उत्साहात
अंधार पार झाला
सरला सारा आळस
आनंद मनात भरला
सकाळचे कोवळे ऊन
पसरे धरतीवर
आनंदली धरतीमाय
भास्कराचे उपकार
सकाळच्या प्रहरी
वाटा खाली,खाली
पायी चालण्याची मजा
मनाला भुरळ घाली
आजूबाजूला झाडेवेली
त्यावर पक्ष्यांची घरटी
चिवचिवाट सारे करी
जगण्याची जीवन राहटी
भाषा पक्ष्यांची न्यारी
कळे त्यांच्या पिल्लांना
सारे एकत्र येऊन
देई कष्टाची प्रेरणा
झटकून आळस
यश येते जीवनात
ऊठा,ऊठा लवकर
घ्या आनंद जगण्यात
उशिराचे उठणे
जीवनात भिकारपण
उदासी जीवन
मृतवत जगण्या समान
आगळा आनंद ऋतूंचा
ऊन,वारा,पाऊसाचा
हेच खरे जीवन
कष्टाच्या खऱ्या भाकरीचा