स्त्रीशक्ती
स्त्रीशक्ती
अनादी काळापासून
तिनेच का जळायचं
अपमानाच्या वणव्यात
तिनेच का पोळायचं
कधी ती सीता होते
अग्निदिव्या ची परीक्षा देते
पतीच्या सन्मानासाठी
वनवासी परित्यक्ता होते
कधी ती द्रौपदी होते
पाचांची भोग्या होते
पाच पराक्रमी पती
असून देखील
तिचेच वस्त्रहरण होते
युद्ध हरल्यानंतर जेते
स्त्रीवरच करतात अत्याचार
राणी असो वा दासी
तिच्यावर होतो बलात्कार
पुरुषी अहंकाराच्या दंभा खाली
ती सदैव भरडली जाते
हसरे मुखवटे घालून
ती समाजात वावरली जाते
किती दिशा? किती निर्भया?
बस झाले सारे आता
भूतलावर उरला नाही
तुझा कोणी त्राता
रानटी श्वापदे हे सारे
घाबवितात तुला हींस्त्र चेहरे
बस झाले जळून मरणे
आता जाळायला शीक
घे हातात शस्त्र
नको मागू दयेची भीक