स्त्री स्वातंत्र्य कोठे!!

आज स्त्रीला स्वातंत्र्य मिळाले

म्हणत असतील दुनिया सारी

पण स्त्रीच जाणते ते स्वातंत्र्य

बेगडी ते संसारात तिला भारी

मेंहदीचे पाय गृहलक्ष्मी घराची

नवरीच्या पायी पैंजण सोन्याचे

बेड्या दुसऱ्या पायी रिवाजांच्या

बंधन असे तिला मुक्त जगण्याचे

शिक्षण घेऊनी शिक्षित झाली

तरी पुरातन संस्कृतीत दबली

मुक्त वावर करण्यास विसरली

रिती-रिवाजांच्या कारणा फसली

मुलगा हवा वंशाला दिवा म्हणून

गर्भातच मुलीला मारतात नराथम

मुलगा मुलगी दोष तिचा नसतोच

शिक्षित असूनही कळत नाही सम

दोन घरांचे संबंध जोडणारी लेक

आई -बाबा, सासू -सासऱ्यांची काठी

स्वतः तेवते दोन्हीकडे करुनी कसरत

तिच असते सदा आम्हा वृद्धापाठी