Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Sanjay Yerne

Abstract

3  

Sanjay Yerne

Abstract

२. तुझ्या तोंडाचा पट्टा...

२. तुझ्या तोंडाचा पट्टा...

1 min
201


      तुझ्या तोंडाचा पट्टा

तसाच सुरू राहू दे

      मी मात्र सट्टा खेळणे बंद करणार नाही.


      साहित्याच्या महापूरात मेलेला

      एवढीच ती

      मृत्यू प्रमाणपत्रावरील नोंद

      कुठल्याही आजच्या साहित्यिकाला

      तेवढीच मलाही पुरेशी...


      मला तसा तुझा अभिमान आहे

      कारण...

      घरातला केरोसीन संपला असतांना,

      सन्मानाच्या चार शिल्ड पेटवून

      केलेला चहा

      तुझ्या माहेरच्या लोकांना किती गोड भासला.

      तू मात्र तेवढ्यापुरतीच आनंदित

      चहाची समस्या सुटल्याने

      मी मात्र नेत्यासारखा....

      सारखा साहित्य दौऱ्यावर

      असे तू त्या पाहुण्यांना म्हणालीस

      आजकाल हे सारखे माईकवर फेकत असतात

      शब्द... साहित्यफैरी

      बिनकामाच्या

      (साहित्यानं पोट जगवता येतं?)


      मला एवढेच ते बोल सलले, सखे!


      खरं सांगू काय ?

      मला काहीही म्हण

      पण 'नेते'भाऊला साहित्यिक बिरूदावली लावल्याचे

      कुणालाही आवडणार नाही

      कारण हौसेखातर साहित्यावर सट्टा

      कुठलेही राजकारण लावत नाही.


      तू अशीच बोंबलत रहा

      मी उशाशी साहित्य ठेवत

      कायमचाच निजेन

      मृत्यू नोंद तेवढी बघ

      आणि पाहुण्यांनाही दाखव

      या साहित्यानेच माणसं जगल्याचे

      अनंत दाखले....

       तुकाराम महाराजासारखे ...


Rate this content
Log in