लाइब्रेरी
प्रोफाइल
सृष्टीची जादू
सृष्टीची जादू
1 min
29K
चिंब भिजलेले रान ओले5
बघता मी मोहरले,
हिरवाईची जादू पाहून
मनोमन मी बहरले!!१
नाजूक नवती पाने हिरवी
खुलती तरुच्या खांद्यांवर,
चिंब ओले अंग झटकती
रान पाखरे शाखेवर!!२
ओल्या थेंब सरींची नक्षी
मोहविते मजला भारी,
सृष्टीच्या कॅनव्हासवरती
रंग कुंचला कोण मारी?३
मध्येच मेखला इंद्रधनूची
आकाशात शोभतसे,
अदभुत नजारा बघुनि
नेत्र माझे दिपतसे!!४
साचलेली तळी जणू वाटे
गालावरची गोल खळी,
थेंब त्यातला पाण्याचा
भासे नवरंगाची रांगोळी !!५
मध्येच गुंजन कानी येई
स्वर हे धुंद वेडावती,
सृष्टीचे गान गाऊनि
परत मजला बोलावती!!६
