संत मुक्ताबाई

सर्व महिला संतांमध्ये 

संत मुक्ताबाई महान

होऊनी संत कवियत्री

वाढवी महाराष्ट्राची शान ||

योग सामर्थ्याची जाण

बनुनी भावंडाची माई

अस्मिता ,स्वाभिमान

 सजीव रूप मुक्ताबाई ||

समाज प्रबोधनात थोर

मोठा लावला हातभार

होत्या अशा संत खास

'ज्ञानबोधाच्या' लेखनकार ||

स्वतःच्या व्यक्तिमत्त्वासाठी

रचिले ताटीचे अभंग

देऊनी बोध ज्ञानेश्वरांना

'योगी चांगदेवामध्ये' दंग ||

मुक्ताबाईच्या काव्यात

साक्षात्काराचे पडसाद

जीवन, प्रतिभेचे पैलू

असे अभंगाचा नाद ||

वात्सल्याने सावरले भावा

देऊनी भावंडांना छाया

जागरूकतेसाठी फटकारूनी

सुखदुःखात घालविली काया||

आयुष्यातील मोठा प्रसंग

विसोबा खेचर यांचे शरण

खानदेशी तापी नदीकाठी

समाधिस्त होऊनी मरण ||