संत जनाबाई

जनाबाईचा जन्म गंगाखेडमध्ये

'दमा' नावाच्या भक्ताच्या घरी झाला

लहानपणीच आई गेली देवा घरी

दामाशेट शिंपी यांनी सांभाळ केला||

महाराष्ट्रातील असे संत कवयित्री

अशी लोकप्रिय त्यांची ख्याती

खेड्यातील स्त्रिया दळण-कांडणात

जनाबाईच्या भक्तीने ओव्या गाती||

अभंग असे काळजाचा ठाव

अलौकिक अशी त्यांची शान

आयुष्यभर मोलकरणीचे काम

यशाची झेप घेऊन झाल्या महान||

बनल्या त्या नामयाची दासी

श्रेष्ठ गुरुभाव हीच शक्ती

नामदेवांच्या पाऊलखुणांनी

प्रवास करी जनाबाईंची भक्ती||

विठ्ठलाची भक्ती मनी असे

नामस्मरणातील ताकद वसे

गोवऱ्यातूनही विठूचा आवाज येई

कबीरही ऐकून चकित होई||