संशोधन

 विज्ञान युग आले आहे आज जगात          

परंतु आशावादी जगण्यासाठी संशोधन हवे

 चांगल्या गोष्टीचे ज्ञान आहे माणसाकडे           

चांगुलपणा टिकवण्यासाठी संशोधन हवे 

प्रामाणिकपणाचे महत्व समजते सगळ्यांना           

ते सातत्याने जपण्यावर संशोधन हवे

पोटभर दोन वेळेचे प्रत्येकाला जेवण मिळावे      

कोणीच उपाशी नसावे यासाठी संशोधन हवे

परोपकार माहित असते प्रत्येकाला      

मदतीचे संस्कार रुजवण्यासाठी संशोधन हवे 

गरीबी नको असते कुणालाच       

कायमचा हा प्रश्न मिटवण्यावर संशोधन हवे

सेवाभावाची जाणीव असते समाजाला        

परंतु ही वृत्ती जगवण्यासाठी संशोधन हवे