सण बैलपोळ्याचा

या श्रावणमासामध्ये

उगवलाय दिवस सोन्याचा

पिठोरी अमावस्येला,

सण आलाय बैलपोळ्याचा ||ध्रु||

बैलांना स्नान घालून

सजवलंय शाल पांघरून

घातल्या रुद्राक्षाच्या माळा

पायी घुंगरू बांधून

घातलाय गावकऱ्यांनी

घाट मिरवणुकीचा ||१||

बैलांचे स्वागत करण्या

गावा लाविले पताके

आगमनाप्रित्यार्थ

आम्ही वाजवले फटाके

झालाय गावात गजर

ढोल ताशांचा ||२||

बैलांच्या कार्यासाठी

केले लाड गोड कौतिक

चालीरीतीत पूजन करुनी

दिला नैवेद्य पौष्टिक

आजचा उत्सव ही

मोठा शेतकऱ्यांचा ||३||