मोरया मोरया

ढोल ताशांच्या गजरात,

बाप्पा घरी आले

मोरया मोरया गणपती

दर्शन तुमचे जाहले ||ध्रु||

एकदंत वक्रतुंड,

सिद्धिविनायक मोरया

भालचंद्र गणाधीश,

वरदविनायक मोरया

देवा जंगी स्वागतास,

भक्तीगीत गायले ||१||

आलो शरण आरतीला,

वाजवित डंका

मंगलमूर्ती गजानन,

नाही मनास शंका

वाढो एकेचि बंधुभाव,

स्मरण जाहले ||२||

योगी गणराज विघ्नेश

भाग्यविधाता

करुणाकरा अधिपती,

हेचि मागणे आता

लंबोदर विघ्नहर्ता,

भाव डोळा साठले ||३||

विश्वंभर शशिवर्णम,

विघ्नराजेंद्र मोरया

शुपकर्ण प्रथमेशाय,

दुर्गेश भूपेंद्र मोरया

सुबक मूर्ती दर्शनाने,

अंतर्मन सुखावले ||४||