लाइब्रेरी
प्रोफाइल
स्नेहदीप तू माझा !!
स्नेहदीप तू माझा !!
1 min
418
स्पंदने ही अंतरिची कंप का रे पावती
श्वास देण्या प्रितीचा येई सखया झडकरी
प्रभातिची घेवून लाली
लाजलाजली सृष्टी सारी
मम जीवनी रंग भरण्या
प्रणयछटा ये होवुनी !!
दिनकर तळपून मध्यांन्ही
करी जीवाची लाही-लाही
गारवा देण्या सखया येई
शितल प्रभंजन होवुनी !!
रवी हा लगबग अस्तास जाता
खुणवी पाहुनी व्याकूळ मजला
सांजकाळी सखया येई
स्नेहदीप रे होवुनी !!
रजनीचा अंध:कार पाहून
मनात का उठते काहूर
घालण्या अंतरी प्रीत साद तू
येई सखया निशानाथ होवुनी !!
