समतेच्या शोधात

गाजवतात सत्ता मूठभर लोक; 

दिसे सर्वत्र वखवख चंगळवादींची. 

समतेच्या शोधात फिरत आहे आज;

आदर्श मूल्यमापने मानदंडांची..!!१!!

विसरला माणूस माणसावरचे प्रेम;

सामाजिक, आर्थिक, समतेचे, भान.

सुरू झाली जीवनमूल्यांची फारकता; 

अहंकार येई आडवा देण्यास मान..!!२!! 

निसर्ग दाखवे मनुष्यातील विषमता; 

शारीरिक, बौद्धिक, मानसिक दृष्ट्या. 

शिकवण साधुसंतांची 'सर्वांभूती परमेश्‍वर'; 

अवलंबावी लक्षणे स्थितप्रज्ञाची समदृष्ट्या..!!३!! 

लक्षात न घेता संपत्ती, जात ,धर्म, वर्ण; 

सामाजिक समानता जोपासावे. 

देऊन समान संधी सर्व नागरिकांना; 

राजकीय समतेचे पालन करावे..!!४!! 

समतेच्या शोधात पहावे जरा शाळेत; 

इथेच येते लक्षात भेदभाव, विषमता.

अंतर मिटवण्यास सज्ज न्यायव्यवस्था;

शिकवावे लहानांना संस्कार मूल्यांची समानता..!!५!!