सकारात्मक विचार !!

नकारात्मकतेने खुप छळलं ,

जगण्याचं रूप बदलून टाकलं ......

निराश मन अगदीच खचलं ,

जगण्याची उमेद गमावून बसलं ......

           घडणारं हे योग्य नव्हतं ,

           बदल घडवणे क्रमप्राप्त होतं ....

           हतबल जगणं मान्य नव्हतं ,

           जन्माचं सार्थक करायचं होतं ....

नैराश्येला उधळून लावलं ,

जगण्याचं तंत्र बदलून घेतलं ....

जे मिळेल ते स्वीकारलं ,

मागे वळून बघणेच टाळलं ......

        फक्त वर्तमान जगत राहिलो ,

       सकारात्मक जगणं शिकत गेलो ....

        घडेल त्याला सामोरं गेलो ,

      आदर्श म्हणून नावारुपाला आलो !!