श्रावण सरी

खुशाल या श्रावण सरींनो

न्हाऊ घाला ह्या धरेला

अधीर झाली भेटण्या वरूणदेवा

तृप्त करा तिच्या तनामनाला

पहुडलेल्या त्या बीजांना

अंकुर कोवळी फुटली

हिरवी हिरवी वसुंधरा

नवरी होऊन नटली

किलबिलणाऱ्या पक्ष्यांची

झाली अंघोळ छान

चमचम करती मोती

सजली रांगोळीचे पान 

क्षणात ऊन,क्षणात सावली

दृश्य मनोहर भासे

निरभ्र आकाशी या

सजले इंद्रधनू कसे

करुनी साज सुंदर

नटली ही अवनी

नववधू प्रिया जणू

अधीर झाली मनी