लाखात एक- माझी बहीण

लाखात एक आहे 

माझी बहीण छान,

भाऊ म्हणून तिचा 

मला मिळतो मान.

तिच्या अस्तित्वाने माझ्या

घरादाराला येई शोभा, 

खळखळणाऱ्या हास्याने तिच्या

अंगणी सौख्याचा परिमळ उभा

ठेवते धाकात सर्वांना 

प्रेमाची पाखरणही घालते,

चुका पोटात घेता घेता 

हळूचं कानही पकडते.

 ठेच लागता तिला

 धस्स होते उरात, 

सासरला जाता बहीण 

कसा राहू मी घरात?

बहीण आली धावत 

रक्षाबंधन सणाला,

नवचैतन्य बहरले

माझ्या घर अंगणाला