श्रावण आणि पाऊस

माझ्या बालपणीचा गं

होता श्रावण वेगळा!

नागपंचमीचा झोका,

मेहंदी आणि नवा चूडा!

तरूणपणीचा कसा

श्रावण नवा-नवा वेगळा!

त्याच्या येण्याची वाट भिजत

बघतसे जीव कावरा-बावरा!

लग्न झाले आणि आले सौभाग्य जीवनी

मंगळागौर, सण, माहेरवास

भासे श्रावण वेगळा, जणू सोहळा

असा श्रावण जीवनी वेगळा-वेगळा!

श्रावणात सृष्टी कशी, नटते सजते

लेते पैठणी शालू हिरवागार,

उतारवयात श्रावणाचा रंग वेगळा

पाऊस आणि गोड धोड, सोसेना गारवा!