Library
Profile
शोध अस्तित्वाचा
शोध अस्तित्वाचा
1 min
191
माझ्या अस्तित्वाची जाण
ही माझी मलाच असावी
इतरांच्या नजरेतील
तुलनेची झलकही नसावी
माझ्या आवडी माझे छंद
माझ्या अस्तित्वाचा आरसा
मीच जपेन माझ्या साठी
मंगलमय माझा वारसा
माझेच श्वास पुरवीन
अस्तित्वाच्या जगण्यासाठी
देईन लढा मी आजन्म
अस्तित्वाच्या शोधासाठी
मरणयातना सोसल्याय
भरभरून जगण्यासाठी
कितीही मरमर माझी
माझ्याच अस्तित्वासाठी
काटेरी पाने आयुष्याची
रक्तबंबाळ करती मजला
तरीही अस्तित्वाचा भाव
माझ्या अंतरंगी सजला
