सावली कविता. 3
सावली कविता. 3
गच्च अंधारात सावली राहाते
दबा धरून...
येते अचानक समोरून...
प्रकटते पाठीमागून...
उभी राहते थोडक्यात एकदम येऊन
मागे वळते एखादा भूत समजून..
सावली अंधारात सोडते साथ-संगत
बघणारे भयंकर दचकतात
चालणारे जागीच थबकतात
सावली प्रकाशात गोठते
सावली अंधारात गायब होते
सावली एकदम काळीकुट्ट
सावली धुसर धुसर फट्ट
सावली चालताना सोबत राहते
थांबताना गचकन थांबते...
काळजाचा ठोका चुकवित
उभी राहते शेजारी...
सावलीला भिणारे भयंकर भितात
सावलीची साथ संगत सुटावी म्हणून सैराटतात
अक्षरश: धूम ठोकीत पळतात
सावली प्रेम छायेसाठी प्रकाशाशी नाते जोडते
प्रकाशाच्या किरणासाठी तिकडेच जाते
प्रकाशा शिवाय सावली नसते...
सावली प्रकाशाची प्रखर बाहुली
सावली उजेडाची प्रति माऊली