लाइब्रेरी
प्रोफाइल
सांगून राम गेला
सांगून राम गेला
1 min
114
शब्दास जाग मित्रा सांगून राम गेला
मोहास टाळ मित्रा सांगून राम गेला!
संघर्ष हेच जीवन भात्यात बाण ठेवा
संधान साध मित्रा सांगून राम गेला!
येतात संकटे ती संकल्प ठोस ठेवा
संपेल भोग मित्रा सांगून राम गेला!
एकत्व एकनिष्ठा जगण्यात एक पाळा
एकीस सांध मित्रा सांगून राम गेला!
वनवास जीवनी या ठासून भोगल्यावर
करशील राज मित्रा सांगून राम गेला!
