रयतेचा राजा शिवछत्रपती.....

रयतेचा राजा शिवछत्रपतींची

सातासमुद्रापार किर्ती पसरली

दुमदुमला अवघा महाराष्ट्र

रयतेला असा लाभला वाली

    महाराष्ट्राची अस्मिता

    रणगाजी शिवाजींनी जपली

    हिंदवी स्वराज्य संस्थापक

     हि छवी प्रत्येक मनात रुजली

 संतांच्या पदस्पर्शाने पावन ही धरा 

तुकोबारायांनी लिहिल्या गाथा 

शिवाजीची तलवार लखलखली

तुकोबांच्या चरणी नतमस्तक माथा

    तुकोबारायांच्या अभंगवाणीने

    सद्विचारांचा दिला अनमोल ठेवा

    अशा थोर संतरत्नाच्या पायी         

    महाराष्ट्र चाखतो भक्ती- भावाचा मेवा

अलंकार उपाधी नको साधूस

भावभक्ती तेवढी अर्पण करा

एवढ्यावरच तृप्त संतमंडळी

सद्विचाराने आचरण करा

    एक महाराष्ट्राचा महामेरू

    एक संतचरित्राची खाण

    अवघ्या महाराष्ट्रात रुजले

    मराठी अस्मितेचे वाण

धन्य धन्य ते शिवाजी

धन्य धन्य महाराष्ट्राची धरा

संतरत्न अन् संरक्षक राजा 

पाहिला महाराष्ट्राने सारा