रंग माझे तुझ्यातले...
रंग माझे तुझ्यातले...
हलकेच नभीचे
एक मोहक क्षणाचे
आज सर्व पसरतील
रंग हे कसे प्रेमाचे
ना माझ्यातील ते
ना होईल तुझ्यात ही
आपल्यातूनच रंगतील
रंग मग हे दोघांचे
एक रंग तुझ्या प्रेमाचा तर
दुसऱ्या माझ्या रुसव्याचे
मिळुनी ते गडद होती
रंग हे आपल्या नात्याचे
कसे हलकेच चढती रंग
जणू हरवण्या आसमंत
ओंजळीतल्या गुलालात
रंग उधळती मग स्वप्नांचे
किती किमया ही वसूची
दाटी रक्तवर्णी सभोवती
या शिशिरात ही भासवी
मज रंग तुझ्याच भेटीचे