आनंदाची लालसा...
आनंदाची लालसा...
काय असावी त्या मनी लालसा ?
कसला मिळाला असेल आनंद ?
त्या कोवळ्या क्षणात कितीदा
फसला असेल ना हो राग द्वंद ?
धाव तिची असेल सुखापर्यंत
किंवा असेल तो छंद क्षणिक
पण वेगातही तिच्या ओठीचे
हास्य ते किती निखळ मौलिक
तिच्या आनंदात आज बघा
चार चेहरे सुखावले कसे ?
या प्रचंड भयाण विराणतेत
मनावरचे मळभ दूरावले जसे
सुख म्हणून शोधणारे आपण
सुख याहून पलीकडे काय ते?
ओठीच मिळणारे शब्द आपले..
की त्यात दुरावणारे बंध ते..
तिच्या आनंदाची लालसा जरा
परत मनात उतरवता येईल का...?
त्या बालपणात रमताना पाहून
पुन्हा त्यास गाठता येईल का..?