अमर माझे काव्य ..

मी जरी नसले धरेवर

माझे काव्य अमर असेल

त्याच्या शब्दांना नव्याने

परत जन्म प्रखर मिळेल

सोबतीची इच्छा जरी

त्याची महती थोर असेल

अनादुनही टिकणारे ते

माझे काव्यविभोर असेल

माझ्या प्रत्येक शब्दाला

नव्याने देणारा श्वास असेल

त्याही विश्वात नेहमीच तो

जगण्याचा ध्यास असेल

जरी मी झाले विलीन नभी

गुंजीत त्याचे वर्ण असेल

माझ्या प्रत्येक लेखणीचे

मनावरील ते व्रण असेल

एक असेच माझे काव्य

मोक्षाचे सामर्थ्य असेल

अनंतात त्याचे स्वर अन्

मर्मात त्याचा अर्थ असेल