रंग माझा वेगळा
रंग माझा वेगळा
1 min
181
रंगुनी रंगात साऱ्या
असे रंग हा वेगळा
गुंतुनी गुंत्यात साऱ्या
पाय असे हा मोकळा ||१||
रंगीबेरंगी आयुष्य
मिश्रण सारे रंगाचे
होळीतील रंग पहा
सूर येती बासरीचे ||२||
लाखात मी ही साजरी
जन्म हा माझा आगळा
प्रत्येक रंगी रंगतो
रंग माझा हा वेगळा ||३||
आकाशी या पक्षासम
लक्ष असे नभी जरी
कणखर मी खंबीर
दृष्टी असे पिलांवरी ||४||
लाल रंग हा शौर्याचा
पराक्रम हा आगळा
रंगातूनी उमटतो
रंग माझा हा वेगळा ||५||