रंग गुलाबी... ( लावणी ).....
रंग गुलाबी... ( लावणी ).....
पाटलाच्या डोळ्यांत नशा शराबी...नशा शराबी.....
पाटलाच्या प्रेमाचा रंग गुलाबी...रंग गुलाबी.....॥धृ॥
लई दिसांनी आमची झाली भेट
अन् पाटील मनात घुसला थेट
कसदार देहाच्या नागमोडी वाटा
तूफानी सागरात उठतात लाटा.....॥१॥
देहाला मिलनाची लागली आस
श्वासांत मिसळू द्या आता श्वास
माझ्या जीवाला लागली हूरहूर
मनामधी दाटते शंकांचे काहूर.....॥२॥
ज्वानीच्या आगीचा पेटलाय वणवा
येऊनी जवळी, तुम्ही आग शमवा
आता अंधारली बघा सारी रात
रातीत होऊ द्या पिरतीची बात.....॥३॥
चंद्राची झाली आता चांदणी
गाऊया दोघे मिलनाची रागिणी
कृष्ण - राधा एकमेकांत दंग
पाटलाच्या प्रेमाचा चढला रंग.....॥४॥
पाटलाच्या डोळ्यांत नशा शराबी...नशा शराबी.....
पाटलाच्या प्रेमाचा रंग गुलाबी...रंग गुलाबी.....