रक्षाबंधन
रक्षाबंधन
बहीण भावांच्या प्रेमाचा
सण राखीपौर्णिमेचा
प्रेम माया गुंफिते बहीण
रेशीम धाग्यांत राखीच्या
बहीण येते भावाकडे
राखी गोडधोड घेऊन
औक्षण करुन भावाला
रक्षाबंधन गोड देऊन
प्रेमाची देवघेव अनोखी
आवडती वस्तू ताईला
आनंद मनात माईना
भर चेष्टामस्करीला
सुग्रास जेवण आईने
माय मायेने वाढते
प्रेमानेच जीव तृप्त
लेक गप्पागोष्टीत रमते
अर्पण सागराला नारळ
कोळीबांधव करतात
उद्यापासून मासेमारीला
दर्यावर्दी समुद्रात जातात
राखीचे महत्व सैनिकांना
भगिनी पाठवती प्रेमाने
रक्षण देशाचे करती
अहोरात्र सावधानतेने
श्रावणातले सारे सण
माया ममता गोडीचे
नात्यांचे बंध जुळती
हसतखेळत मायेचे