रिमझिम पावसात आपण दोघी

रिमझिम पावसात

आपण दोघे न्हाऊ

चिंबचिंब भिजताना

आभाळ कवेत घेऊ

सळसळ वाऱ्या संगे

धावत आपण जाऊ

छेडणाऱ्या वादळाला

हाकलून लाऊ

उंच उंच डोंगरावरून

झरे झिरणे वाहतील

तुझ्या माझ्या अवतीभवती

फुलपाखरे खेळतील

खेळणाऱ्या पाखरा संगे

दुर दुर जाऊ

हिरव्या हिरव्या रानातला

रानमेवा खाऊ

ओल्या ओल्या मातीतले

दव टिपत जाऊ

लाडावलेल्या कळ्यांना

उमलतांना पाहू 

तुला मला पाहून

मैना गाणे गातं जाईल

गाण्याच्या सुरामध्ये

पाणी वहात राहील

वाहणारे पाणी आपण

अंगावर घेऊ

झुळझुळ मंजूळ

आवाज ऐकत राहू

माळरानात मोर

नाचताना पाहू

रूप त्याचे देखणे

डोळ्यात भरून घेऊ

पानफुले हिरवी झाडे

शृंगारून जातील

लतावेली अंगाभोवती

पिंगा घालतील

लतावेलींना धरून

झोका घेत जाहू

निळ्याशार आभाळाला

मिठीत आपण घेऊ

 गर्द धुक्यातून

वाट काढत जाऊ

मऊ मऊ हिरवळीवर

मकईभुट्टा खाऊ

दऱ्याखोऱ्यातून शहारे

बेभान होतील

डोंगराच्या पायथ्याशी

सप्तरंग उतरून येतील

सप्तरंगी रंगाना

लपेटून घेऊ

सैरभैर पाखरासंगे

हरवून जाऊ

रिमझिम पावसात

चिंबचिंब होऊ

रंग बदलणाऱ्या ढगांना

खिडकीतून पाहू