रौद्ररूपी सौदामिनी

होते आनंद मनाला

पावसात भिजताना |

थेंब   पांढरे   टपोरे

हातामध्ये झेलताना ||१||

ओलेचिंब झाल्यावर

थंडी  भरते  अंगात |

नाव घेता सौदामिनी

भिती  वाटते मनात ||२||

सूर्य  दिसेनासा होई

होई काळोख नभात |

वारा  जोराने सुटतो

होतो  घर्षण  ढगात ||३||

कडाडून  सौदामिनी

येती पावसाच्या सरी |

लख्ख प्रकाश पाहून

मनी  धडकीच  भरी ||४||

पाहुनिया सौदामिनी

अंग  अंग  शहारतो |

भयावह     गर्जनेने

मन  माझा घाबरतो ||५||

रौद्ररूपी   सौदामिनी

करी जीवाला आघात |

रहा   घरी    सुरक्षित

नका   निघू  मैदानात ||६||