लाइब्रेरी
प्रोफाइल
राम जन्मला सखये
राम जन्मला सखये
1 min
377
चैत्रमासी शुद्ध पक्षी
तिथी असे नवमीची
उष्ण वाते थबकली
पाने जागीच तरुंची (१)
यज्ञ सार्थकी लागले
मना सफलता पूरी
जन्म जाहला रामाचा
आज अयोध्या नगरी (२)
बहुभाग्ये आज जनी
हर्ष उसळला मनी
दुंदुभीच्या सुखनादे
वार्ता जनमनी झणी (३)
नगरीत अयोध्येच्या
मोद भरुनी राहिला
ताल सूर नर्तनात
वाद्यवृंद गं रंगला (४)
प्रभा दिव्य मुखावरी
कशी गोड पसरली
माय तृप्त दर्शनानी
मनोमनी हरखली (५)
भाग्य उजळे वंशाचे
लाभे पुत्र सुलक्षणी
राम जन्मला सखये
आली सुखाची पर्वणी
