STORYMIRROR

sarika k Aiwale

Romance Tragedy Fantasy

3  

sarika k Aiwale

Romance Tragedy Fantasy

पुन्हा तिच कशी होऊ

पुन्हा तिच कशी होऊ

1 min
213

थकल्या पावलाना कसं चालवू

विरल्या नात्यात गंध कसा भरु 

झाले गेले सांग कसं विसरु 

पुन्हा कशी सांग तिच सुरवात करु

     

     थिजल्या आज त्या रेशीम गाठी

    भिजल्या नयनी स्वप्न कसंपाहू 

     झाले गेले सांग कसे विसरू 

    पुन्हा हास्य जीवनी कसं रुजवू 


ऋतू बदल हे सारे माझ्याच साठी 

ओळख अशी कितिदा मी बदलू 

झाले गेले सांग कसे मी विसरु 

पुन्हा एकदा तिच मी कशी होऊ

      

     दर्पणात एक रेघ ती उमटली 

     छबीत माझ्या भेग ती कशी साहू

     झाल गेल सांग कसं विसरु 

     पुन्हा एकदा तिच चूक का करु 


विरळ झाल्या सावल्या उन्हातल्या 

सांजेला गारवा साठी का मी झुरू 

झाल गेल सांग कसं मी विसरु 

पुन्हा तिच सावली मी कशी होऊ


     भेगळल्या भुईपरी जिण जिव्हारी

      घास गोठता अंतरी खोट कस हसू 

      झाल गेल सांग कसं मी विसरु 

      पुन्हा तेच समाधान सांग कसं मानू ... 


झाल गेल सांग कसं विसरु 

पुन्हा तेच जगण उरी कस मारु 

वळणावर पाऊलखुणा मिटवुनी 

परतुनी तेच चित्र मनी कस रंगवू 


      संपल ते स्वप्न मनीचं आज जरी

      श्वासात आश्वासनं कोणत जगू 

      झाल गेल विसरुनी जगले जरी 

      पुन्हा तेच स्वरुप सांग कसं मी लेवु... 


मनाच्या गर्तेत अडकत जातो 

अंतरीची ओळखीस न्याय कशी देवू

झाल गेल विसरुनी जगाव मी 

पुन्हा वाट आंधळी सांग कशी चालू 


साहित्याला गुण द्या
लॉग इन

Similar marathi poem from Romance