प्रकाशवाटा

प्रथम गुरू असे माता 

जीवना देते आकार 

बाळाचा मार्ग चुकता

वागे निर्धाराने कठोर 

बोटं पकडूनी आईचे

लेकरू जाई शाळेत

क्षण जरी हे रुदनाचे

चित्र सुंदर भविष्यात  

गिरवता श्री गणेशा

प्रगतीशी जडते नाते

गुरू दावे ज्ञानदिशा 

सांगे आपणा ठावे ते 

पुस्तकातील अक्षरे

तारे जसे गगनातील

प्रयोग पाढे पाठान्तरे

किती थांबे मार्गातील

सारे बालपण सरते

ज्ञानवृक्षाच्या छायेत

दिशाज्ञान हाती पडते

मार्ग शोधण्या जगात 

रोप संस्काराचे लावे

गुरू हा माळ्यासम

सतचारित्र्य घडावे 

त्यातून उंच वृक्षासम

नवानुभव क्षणोक्षणी 

 गुरू ज्याचा त्याचा

मार्ग दावे जीवनरणी

अर्थ उमजता त्याचा

मार्ग नवा उजळतो 

जागताच आत्मभान

दीप भक्तीचा तेवतो

मुक्ती ही समर्पणात