Library
Profile
प्रेम करावे असे
प्रेम करावे असे
1 min
192
उघडे डोळे, मिटल्यावरही पापण्यांत चित्र दिसावे, प्रेम करावे असे.. ।
श्वास अंतरी, घेता ह्रदयी स्पंदनांस ते कळावे, प्रेम करावे असे.. ।
नसता जवळी, दूर कुठे तो वायू स्पर्शातून जाण व्हावी, प्रेम करावे असे.. ।
नकळत स्पर्श, जाणिवांचा तो रोम रोम अंगी शहारावे, प्रेम करावे असे.. ।
अश्रू ओघळे नयनातूनी, स्मृतीत तो थेंबात त्या रूप दिसावे, प्रेम करावे असे.. ।
धडधड अंतरी, ठोक्यात तो धमन्यांतून सळसळ वहावे, प्रेम करावे असे.. ।
लाली सूर्याची, तार्यांचा लखलखाट सप्तसागर नेत्रात दिसावे, प्रेम करावे असे.. ।
हृदयातून कवेत यावा तो अलगद इतके समिप हृदयाच्या असावे, प्रेम करावे असे.. ।
