पराधीन तू

*विश्वनिर्माती जननी*

*जग उद्धारक राज्ञी तू*

*महिषासूर मर्दिनी अन*

*प्रसंगी रणरागिणी तू*

*दूर्गा,अंबा,कामाक्षी*

*महाकाली रणचंडीका तू*

*भक्तांना तारणारी अन*

*दुर्जनांची संहारिणी तू*

*कर्तव्यदक्ष मनमिळाऊ*

*वात्सल्य मूर्ती,प्रेरणा तू*

*बिकट प्रसंगी धीटपणे*

*तोंड देण्यास खंबीर तू*

*अन्नपूर्णा,गृहलक्ष्मी*

*ताई अन अर्धांगिनी तू*

*विविध भूमिका निभवून*

*आज मात्र पराधीन तू*

*अबला म्हणून हिणवितात*

*तुला आज सर्वजण*

*तुझ्या अभावाने होईल*

*अदृश्य प्रत्येक कणकण*