लाइब्रेरी
प्रोफाइल
पोरके
पोरके
1 min
362
भेट अजून स्मरते
ओढ्याकाठी घेतलेली
स्वप्नी आकंठ रंगून
जीवापाड जपलेली
क्षण सौख्याचे ते सारे
हृदयी जपून ठेवले
घात काळानेच केला
हिरावून तूज नेले
वेलीवर संसाराच्या
उमलली फुले छान
कशी ओंजळीत माझ्या
गेली टाकून तू दान
कशी काढावी समज
लेकरांची त्या लहान
आईविना ते पोरके
कसे करू संगोपन
कसा झाला देवा तू ही
आज इतका निष्ठूर
वार नियतीचा कसा
झेलू माझ्या अंगावर
