पंढरीची वारी
पंढरीची वारी
पंढरीची वारी। उभा विटेवरी ।
पांडुरंग हरी । शोभतसे ॥ १॥
विठुच्या नामाचा । जयघोष करी ।
जाती वारकरी । दर्शनास ॥ २॥
रूप हो गोजिरे । चंदनाचा टिळा।
तुळशीच्या माळा। गळाहार॥ ३॥
पंढरीची वाट।चाले वारकरी।
धन्य ती पंढरी। पांडुरंग ॥ ४॥
मुखी नाम हरी। जयघोष करी।
कर कटेवरी। ठेवुनिया ॥ ५॥
कपाळी शोभला। चंदनाचा टिळा ।
लावितो लळा। पांडुरंग ॥ ६॥
पंढरीची वारी। लाभली आम्हांस।
सकळ जनास। भाग्यशाली ॥ ७॥
हरीचे हो नाम। अमृता समान।
गाऊ गुणगान। मनातूनी॥ ८॥
भेटी लागी जीवा। तुझीच रे आस।
येतो दर्शनास। धन्य झालो ॥ ९॥
ती टाळ मृदंग । वारकऱ्यासंग।
भजनात दंग। वारकरी॥ १०॥