पंढरीचे वारकरी

आम्ही सारे वारकरी

निघालो विठुच्या ठायी 

हातामध्ये टाळ, विणा 

भाव भक्तीचा हृदयी ||१|| 

भालावरी गंध अन् 

छंद विठ्ठल नामाचा

त्याच्या नामस्मरणाने

मार्ग होईल सुखाचा ||२|| 

तुळस ही डोईवरी 

वाटला न कधी भार 

प्रवासी तुझ्या भक्तीचे

तुझा एकच आधार ||३|| 

जातीभेद नसे इथे 

सर्वधर्म समभाव 

तुझ्याच भक्तीचा असे 

आमच्या मनात ठाव ||४|| 

वयोवृद्ध ही चालती

घेत आनंद वारीचा

सोहळा चालला असा

जसा मायेच्या भक्तीचा ||५|| 

विठूरायाच्या नामाने 

दिंडी ही दुमदुमली 

जपू वारसा वारीचा 

आस मनात धरली ||६||