पितृ देवो भव
पितृ देवो भव
आठवतात वडिलांचे मोत्यासम
अक्षरे मज परिपाठ वहितली |
त्यावरचे हेडसरांचं दिलेलं मुद्देसूद
परीक्षण टिप्पणी त्यांच्या सहितली | |
अण्णा,आजही मी नाही विसरले
तुम्ही मला दिलेलं भाषांचं ज्ञान |
इंग्रजी व हिंदीतले शब्दांचे अर्थ
अन् समजावलेलं व्याकरण | |२| |
मी तुमची दिलेली शिकवण दिली
माझ्या विद्यार्थ्यांना मनापासून |
प्रत्येक गोष्ट काळाच्या कसोटीवर
किती खरी आहे ते नीट तपासून | |३| |
ताटातल्या दूधपोळीची तुमच्याच
रेंगाळतेय आजही जीभेवर चव |
का विसरू अनुभवलेला मुखोद्गत
मी तो श्लोक "पितृ देवो भव्" | |४| |
कशी विसरु मला सासरी जातांना
पाहून दाटलेला कंठ तुमचा |
झोपतोय सांगून गाळलेली आसवं
बंद करून दरवाजा तो रुमचा | | ५| |