लाइब्रेरी
प्रोफाइल
फूटपाथ
फूटपाथ
1 min
358
कोरड्या शब्दात देती भावनांची सांत्वना
या उपाशी माणसांना योजनांची सांत्वना
पावसाने शांत झाली भाकरीची भूक ही
पावसाच्या चिंब धारा वादळांची सांत्वना
कामधंदे बंद सारे आज नाही भाकरी
देत आहे आज बाबा आसवांची सांत्वना
जीवनाचे स्वप्न आहे भंगलेले बालका
झोपलेल्या बालकांना पालकांची सांत्वना
बालकांना पाळणा ना खेळण्याला खेळणा
चांदण्यांचा दोस्त बाळा चांदण्यांची सांत्वना
धुंद चाले वाहने मद्यात त्यांची कल्पना
जीव गेला हाय बाबा डॉक्टरांची सांत्वना
फूटपाथा दोष नाही जीवनाचा खेळ हा
जाग पोरा सूर्य शोधा काजव्यांची सांत्वना
