फुलले रे क्षण माझे

सोनसळीची उधळण 

करीत गुलाबी पहाट

टपोरे जलबिंदू पसरे

धुक्यात दिसेनाच वाट...१!

सृष्टीत बहरले नवचैतन्य

चराचरात झाला आनंद

फुलले रे क्षण माझे आज

सख्या कुशीत रे परमानंद...२!

अलवार स्पर्श होताच 

तन, मन माझे मोहरले

तुझ्या सवे माझे जीवन

रातराणी सम बहरले...३!

ऋणानुबंध जुळले छान

जीवनी फुलले क्षण माझे

आणखी काय हवे संसारी

कौतुकाने आयुष्य रे गाजे...४!

काही मागणे नाही माझे

फक्त तुझा हाती हवा हात

येऊ दे किती ही संकटे

करू त्यावर समर्थपणे मात...!५