पहा एकदा
पहा एकदा
सकाळची कोवळी किरणे
पौर्णिमेचे टिपूर चांदणे
पहा एकदा !
फुलांची नाजूक कळी
गुरांच्या चरणाऱ्या फळी
पहा एकदा !
पावसाच्या पडणाऱ्या सरी
सांजवेळी सूर्य जाताना घरी
पहा एकदा !
आभाळी उडणारे पक्षी
दारातील रांगोळीची नक्षी
पहा एकदा !
अंगणातील फुलांचा सडा
फळांनी लगडलेल्या झाडा
पहा एकदा !
खळखळ वाहणारी नदी
पक्षांच्या घरट्यांच्या फांदी
पहा एकदा !
चमचम चमकणारे काजवे
आकाशातील तारकांचे दिवे
पहा एकदा !
हिरवेगार झालेले डोंगर
धुक्यानी दाटलेला परिसर
पहा एकदा !
नभीच्या इंद्रधनुचे सप्तरंग
विटेवरील उभा पांडुरंग
पहा एकदा !, पहा एकदा !!