लाइब्रेरी
प्रोफाइल
पाऊस माझा सोबती
पाऊस माझा सोबती
1 min
159
ऋतू येता पावसाचा
दाटे मेघ गगनात
मग हलकेच दाटे
मेघ एकाकी मनात....!!१!!
जशी तप्त उन्हामुळे
रुक्ष झालेली धरणी
तशी विचारांची उन्हें
मनी करी उभारणी....!!२!!
आगमन पावसाचे
तृप्त करी धरणीला
नाते पाऊस आणि मी
दृढ वाटे हे मनाला.....!!३!!
येता पावसाची सर
मिळे गारवा मनाला
दूर एकाकीपणाला
अशी साथ देतो मला....!!४!!
मन वादळ हे शांत
असा पसरे गारवा
जसा मित्र सोबतीला
राहा कायम पावसा....!!५!!
