ओठांनी

आणली आहे नशा मिलनात ओठांनी

धुंद झाली पावसाची रात ओठांनी

स्वर्ग अवतरला जसा साक्षात पृथ्वीवर

अमृताची सारखी बरसात ओठांनी 

शायरी शिकलो तुझ्या मोहात लावण्या 

शेर म्हणतो घे जवळ प्रेमात ओठांनी

तू सुगंधी बाग माझ्या प्रेम राज्याची 

दे गुलाबी ओठ तू ओठात ओठांनी 

वाद सारे संपले एकाच भेटीने 

गोडवा हा आणला दोघात ओठांनी 

जीवनाला रंग देऊ आज प्रेमाचे 

इंद्रधंनुच्या रंगुया रंगात ओठांनी 

त्रासलो आहे जगाच्या वास्तवाने मी 

स्वप्ननगरी बांधुया सत्यात ओठांनी